As 24 orë nuk kanë kaluar nga protesta e opozitës dhe Bordi i Transparencës ka vendour që të rriten përsëri çmimet karburanteve kryesore, si nafta dhe benzina.
Vetëm çmimi i gazit do të mbetet i pandryshuar në vijim, sipas vendimit të Bordit.
Duke filluar nga ora 18:00 e pasdites së sotme, nafta do të shitet me 240 lekë/litri, nga 235 lekë/litri që është aktualisht, benzina do të shitet me 233 lekë/litri, nga 227 lekë/litri që është.
Njoftimi i Bordit të Transparencës:
Bordi i Transparencës në datë 8 Korrik 2022, në mbledhjen e radhës vendosi:
✅Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 240 lekë/litri, ndërsa i shitjes me shumicë jo më shumë se 228 lekë/litër.
✅Çmimi i shitjes me pakicë i nënproduktit benzinë e standardit SSH EN të jetë jo më shumë se 233 lekë/litri,ndërsa i shitjes me shumicë jo më shumë se 221 lekë/litër.
✅Çmimi i shitjes me pakicë i nënproduktit gaz, të jetë 81 lekë/litër edhe i shitjes me shumicë 69 lekë /litër.
Çmimet e caktuara nga Bordi do të hynë në fuqi sot datë 8 Korrik ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
⚠️Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.
Në rast të shkeljeve të konstatuara nga operatorë të ndryshëm do të vendoset pezullimi i aktivitetit.
Jemi në monitorim të vazhdueshëm të ecurisë së bursave, me qëllim reagimin sa më të shpejtë.
